雪梅思君 歌手：小凤凤 专辑：小鳳凤闽南语专辑

唱出雪梅分恁听 雪梅做侬真端正 甘愿为君守清节 侬传名好名声

劝恁列位注意听 着学雪梅这所行 不通学侬做歹囝 无尪婿生囝歹名声

正月算来侬迎尪 满街侬马闹苍苍 前街闹热透后巷 侬看侬看迎尪

亏得雪梅守空房 十七八岁（啊）呣嫁尪 目屎流落目箍红 愿心想我囝亲潒侬

二月算来春草青 草仔发芽草青青 雪梅看囝喉就滇 春天雨落bōe离

花锦呣绣布呣经 暝曰哀怨心伤悲 心肝死侬做伊去 等治时才能得相见

二月算来二月忌 雪梅抱囝问灶君 卜问商辂的字运问商琳的亡魂，怎样佮阮无缘份做伊死去见閰君 互阮雪梅找无君 心肝想那想那怨恨

三月算來是清明，家家户户守山顶 雪梅抱囝遘墓前墓桌前排三牲 三杯白酒排头前，一对白烛点双爿 卜买墓纸埋墓顶 望商辂我囝会长成

四月算来昰夏至, 娘“女间”（kán）相招问尪姨 卜问商琳怎会死 牵亡魂来说起 岁寿食遘五十四 一点风痰感入脾, 食bōe着药才会死 误雪梅青春少年时

五月算来侬缚粽 江中锣鼓闹苍苍 有尪有婿卜游港 秦雪梅守空房 鸾凤拆散无情侬鸿雁分开在西东 商辂我囝这细汉 等治时才会亲像侬

六月算来是半年 玉兰开花白微微 南风吹来清芳味 红秋蝉吼吱吱 听见杜鹃叫声悲 声声叫出苦伤悲 心肝死侬做伊去 放细囝互我咧养饲

七月算来七夕天 牛郎織女在河边 七月初七卜相见 恨商琳早过身 前世注定歹八字 即世佮阮bē 团圆 歹命雪梅来嫁伊 卜见君除非着后世

八月十五月大光 雪梅思君入花園 看见百花开十全 看月光想着君 十六年尾入君门 并无佮君困同床 雪梅思君心头酸 卜见君除非入閰门

九月算来是九降 雪梅思君入绣房 摕起针線绣花丛 绣双凤雕牡丹 又绣一只孤飞雁 天边海角乱飞环 声声哭出真哀怨 秦雪梅佮恁同一款

十月算来北风寒 hiau笼hiau箱hiau被单 摕起商琳的长衫 无爱看傷心肝 前年花园徛对看 今年放捒我孤单 摕起遗衫互君换 烧互君阴间穿bōe寒

十一月算来是冬节 家家户户侬做节 有侬搓圆有侬做粿 秦雪梅大惨淒 头梳圆头插白花 跤穿乌袜佮白鞋 身穿一领蒲紫花 无抹粉打扮守大体

十二月算来是年兜 家家户户侬敬孝 雪梅点香遘门口 跪落去大声吼 声声哭出我家口 少年想卜在伫兜 呣愿互侬讲即口 愿心想我囝会出头

你对这个回答的评价是？

你对这个回答的评价是